ԵՄ յոթ երկրներ պահանջում են արագեցնել Ուկրաինային տրվող «ռեպարացիոն վարկի» հաստատումը

Եվրամիության յոթ անդամ երկրներ՝ Էստոնիա, Լիտվա, Լատվիա, Լեհաստան, Ֆինլանդիա, Շվեդիա և Իռլանդիա, դիմել են Եվրոպական հանձնաժողովի նախագահ Ուրսուլա ֆոն դեր Լայենին և Եվրոպական խորհրդի նախագահ Անտոնիու Կոշտային՝ կոչ անելով արագացնել Ռուսաստանի սառեցված ակտիվներից ձևավորվող «ռեպարացիոն վարկի» տրամադրման գործընթացը Ուկրաինային։ Ինչպես հայտնում է Politico-ն, երկրները ընդգծում են թեմայի հրատապությունը։

Նամակում նշվում է, որ վարկի հաստատումը մինչև դեկտեմբեր կուժեղացնի Կիևի պաշտպանունակությունը և կբարձրացնի նրա դիրքերը արդար և երկարատև խաղաղության շուրջ բանակցություններում։ Ենթադրվում է, որ ֆինանսական միջոցները պետք է ձևավորվեն ՌԴ սառեցված ակտիվների եկամտից, ինչը, ըստ նախաձեռնողների, կլինի իրավաչափ և քաղաքականապես նպատակահարմար քայլ։

ԵՄ ներսում քննարկումները շարունակվում են, իսկ մի շարք երկրներ պնդում են, որ դանդաղեցումը կարող է վնասել Ուկրաինայի ներկայիս ռազմաքաղաքական իրավիճակին։ Politico-ն նշում է, որ դիմումը նպատակ ունի ճնշում գործադրել Բրյուսելի վրա՝ գործընթացը հնարավորինս արագ ավարտին հասցնելու համար։