Վիկտոր Օրբան. ԵՄ-ը մինչև 2030-ը պատրաստվում է ուկրաինական անդամակցությանը և հնարավոր պատերազմին Ռուսաստանի հետ

Վենգրիայի վարչապետ Վիկտոր Օրբանը հայտարարել է, որ Եվրամիությունը մինչ 2030 թվականը նախատեսում է ոչ միայն ընդունել Ուկրաինային իր կազմ, այլ նաև պատրաստվել Ռուսաստանի հետ հնարավոր ռազմական բախման։ Ֆեյսբուքում արված հայտարարությունում նա նշել է, որ Բրյուսելը սկսել է լայնածավալ զինվածության ծրագիր, որի բացահայտ նպատակը դաշինքի ռազմական պատրաստվածությունն է հենց այդ տարեթվին։

Օրբանի խոսքով՝ ԵՄ-ում արագացված ընթացակարգով Ուկրաինայի անդամակցության նպատակային ժամկետը նույնպես 2030-ն է, ինչը, իր խոսքով, կարող է ստեղծել իրավիճակ, որտեղ ապագա բախումը Ռուսաստանի հետ դառնում է ավելի հավանական։ Վենգրիայի վարչապետը նաև հիշեցրել է, որ դաշինքի կանոններով՝ եթե կոնֆլիկտը ծագի որևէ անդամ պետության տարածքում, մյուս երկրները պարտավորվում են ներգրավվել։

Ավելի վաղ Օրբանը հայտարարել էր, որ առաջիկա օրերը վճռորոշ են լինելու ուկրաինական հակամարտության համար։ Նրա խոսքով՝ այժմ որոշվում է՝ պատերազմը կշարժվի դեպի Եվրոպա, թե հնարավոր կլինի կանխել դրա հետագա տարածումը։