Տղամարդը խոշոր գումար է գտել կովի ստամոքսում
Այլ
ՌԴ Բաշկորտոստանի բնակիչը իր կովի ստամոքսում հայտնաբերել է 80,000 ռուբլի պարունակությամբ դրամապանակ, հաղորդում է «Ռեգնում» լրատվական գործակալությունը։
61-ամյա տեղացի բնակչի խոսքով՝ իր անասունները հաճախ են արածում տարբեր վայրերում, այդ թվում՝ աղբանոցներում։ Այդ «զբոսանքներից» մեկից հետո, կովին մորթելիս, նա գումար է գտել կենդանու ստամոքսում։
Հետագայում պարզվել է, որ դրամապանակի տերը տեղացի գործարար է։ Նա տարածաշրջանում օբյեկտ է կառուցում և պետք է վճարեր աշխատողներին, բայց կորցրել էր գումարը և ուշացրել վճարումը։
Գործարարը կարծում է, որ աշխատողներից մեկը պատահաբար դրամապանակը նետել է աղբի հետ։ Հնարավոր է՝ կովերը «կերել են այն» աղբանոցներից մեկում։
«Ես դրամապանակը դիտավորյալ չեմ լվանում. այն հիմա իմ բախտավոր թալիսմանն է», - ասել է գործարարը։
ՈՒՂԻՂ ԵԹԵՐ
Ամենադիտված 
Բազմաթիվ հասցեներում ջուր չի լինի
