Ամերիկացի թոշակառուներն ամուսնացել են լողավազանում

ԱՄՆ-ում 78-ամյա Մարլեն Պարսոնսը և 83-ամյա Էդվարդ Լա Ռյուն ամուսնացել են լողավազանում, որտեղ ծանոթացել էին երեք տարի առաջ, հաղորդում է The Washington Post-ը։

Թոշակառուները ծանոթացել են ջրային աէրոբիկայի դասընթացի ժամանակ։ Զույգի խոսքով՝ իրենք նորից ամուսնանալու մտադրություն չունեին, քանի որ հանդիպման ժամանակ դեռևս սգում էին իրենց կողակիցների կորուստը։ Սակայն, ի վերջո, նրանք սիրահարվել են և որոշել են գնալ այդ քայլին։

Զույգը որպես արարողության վայր ընտրել է այն լողավազանը, որտեղ հանդիպել են առաջին անգամ։ Հանուն միջոցառման՝ արդեն նախատեսված ջրային աէրոբիկայի դասը չեղարկվել է։ Հարսը հագել է քող, մարզաշապիկ և կարճ սպիտակ կիսաշրջազգեստ, իսկ փեսան՝ գլխարկ և սև մարզաշապիկ։ Բոլոր հյուրերը լողազգեստներ են կրել։