Հայաստանի քաղաքական ուղին ընդունելի չէ Վրաստանի համար. Վանո Մերաբիշվիլի

Հայկական ուղին, նրա հարաբերությունները Ռուսաստանի և ՆԱՏՕ-ի հետ ընդունելի չեն և հակասում են Վրաստանի քաղաքական հետաքրքրություններին»։ Այս մասին նշել է Վրաստանի նախագահ Միխեիլ Սաակաշվիլիի «Միացյալ ազգային շարժում» կուսակցության գլխավոր քարտուղար, Վրաստանի նախկին վարչապետ Վանո Մերաբիշվիլին՝ մեկնաբանելով վարչապետ Բիձինա Իվանաշվիլիի խոսքերը: Իվանաշվիլին նշել էր, որ նախանձով է նայում այն հանգամանքին, թե ինչպիսի լավ հարաբերություններ ունի Հայաստանը միաժամանակ թե՛ Ռուսաստանի, թե՛ ՄԱԿ-ի հետ: Այս մասին նշում է ИА REGNUM լրատվական գործակալությունը:

«Վրաստանն իր ընտրությունը կատարել է դեռ 2008 թվականի հանրաքվեի ժամանակ: Վրաստանի պետական հետաքրքրություններից է ՆԱՏՕ-ի և եվրոպական համակարգերի անդամ դառնալը: Սա միակ ճանապարհն է Վրաստանի փրկության, նրա անվտանգության և անկախության ապահովման համար: Հաշվի առնելով, որ Հայաստանը մեր բարեկամ պետություններից է, և ես հարգում եմ Հայաստանի ներքին ուղին և ընտրությունը՝ սակայն այդ ուղին, նրա հարաբերությունները Ռուսաստանի և ՆԱՏՕ-ի հետ ընդունելի չեն և հակասում են Վրաստանի պետական շահերին»,- նշել է Մերաբաշվիլին: