Զենքի յուրաքանչյուր մատակարարում Ադրբեջան շիկացնում է ԼՂ հակամարտությունը. ռուս փորձագետ

«Զենքի յուրաքանչյուր մատակարարում շիկացնում է Լեռնային Ղարաբաղի հակամարտությունը»,- այս մասին նշել է ՌԴ կառավարության փորձագիտական խորհրդի անդամ, ռազմավարության և տեխնոլոգիաների վերլուծական խորհրդի տնօրեն Ռուսլան Պուխովը՝ մեկնաբանալով Իսրայելի պաշտպանության նախարարության գլխավոր տնօրեն Էհուդ Շահինի հայտարարությունը։ Շահինը հայտարարել էր, որ պետք է մեծացնել զենքի և զինամթերքի վաճառքի ծավալները մի քանի պետություններում, այդ թվում՝ նաև Ադրբեջանում։

«Այստեղ կա երկու գլխավոր դրդապատճառ, որով առաջնորդվում է Թել Ավիվը։ Առաջինը հակաիրանական քաղաքականությունն է, որը զգալի չափով հեռացնում է Ադրբեջանը Իրանից: Երկրորդը՝ Իսրայելի ռազմական արտադրությունն իր ֆինանսավորման մեծ մասը ստանում է օտար պետություններում զենքի վաճառքից: Իսրայելում լավ են հասկանում, որ եթե այն զրկվի ԱՄՆ-ի հովանավորությունից, ապա ստիպված են լինելու ինքնուրույն ապահովվել զենքով։ Այդ առումով Իսրայելը նպատակ ունի ստեղծելու առավելագույնս ինքնուրույն ռազմական արտադրություն»,- այս մասին նշում է Պուխովը։