Փաշինյանը «որոշմամբ» Գևորգ Սարոյանը շարունակում է մնալ «Մասյացոտնի թեմի առաջնորդ»
Նիկոլ Փաշինյանը «որոշել է», որ Գևորգ Սարոյանը շարունակում է մնալ «Մասյացոտնի թեմի առաջնորդ»: Պետությունը Եկեղեցուց անջատ լինելու սահմանադրական նորմի «պաշտպան» վարչապետը գրել է, որ քանի որ Վեհափառը (օգտագործել է նրա ավազանի անունը) Կաթողիկոս չէ, ուստի Սարոյանը մնալու է թեմի առաջնորդ:
«Ասել եմ արդեն, որ Կտրիճ Ներսիսյանը Ամենայն Հայոց Կաթողիկոս չէ եւ հետեւաբար այդ դիրքից նրա կայացրած որոշումները մեզ համար արժեք չունեն եւ առոչինչ են,- այս մասին գրել է Փաշինյանը։
«Տեր Գեւորգ եպիսկոպոս Սարոյանը շարունակում է մնալ Հայաստանյայց Առաքելական Սուրբ Եկեղեցու Մասյացոտնի թեմի առաջնորդ»,– գրել է նա։
Հիշեցնենք՝ Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի հունվար 10, 2026 թվակիր Հայրապետական տնօրինությամբ Մասյացոտնի թեմի առաջնորդ Գերշ․ Տ․ Գևորգ եպիսկոպոս Սարոյանը ազատվել է թեմակալ առաջնորդի պաշտոնից։ Տնօրինության համար հիմք են ծառայել առաջնորդի հանգամանքը չարաշահելու, պարտականությունների մեջ թերանալու, թեմի եկեղեցականաց նկատմամբ հարկադրանք ու ճնշումներ գործադրելու պարագաները։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
