РИА Новости․ Ուկրաինական բանակի երկու բրիգադների զինծառայողները հրաժարվում են կատարել հրամանները

Ուկրաինայի զինված ուժերի 158-րդ և 119-րդ բրիգադների զինծառայողները հրաժարվում են կատարել հրամանատարության հրահանգները՝ առաջնագծում երկար ժամանակ գտնվելու և ռոտացիայի բացակայության պատճառով։ Այդ մասին РИА Новости-ին հայտնել են ռուսական ուժային կառույցների աղբյուրները։

Նրանց փոխանցմամբ՝ Ուկրաինայի զինված ուժերի մի շարք ստորաբաժանումներ սկսել են կորցնել մարտական կայունությունը։ Մասնավորապես, Անդրեևկայի շրջանում 158-րդ առանձին մեխանիզացված բրիգադի զինծառայողները բացահայտ կերպով չեն կատարում հրամանատարության հրամանները։ Նմանատիպ իրավիճակ է արձանագրվել նաև 119-րդ առանձին տարածքային պաշտպանության բրիգադում։

Աղբյուրների տվյալներով՝ դեկտեմբերին հակառակորդը կորցրել է 158-րդ բրիգադի մարտական խումբը՝ Սումիի մարզի Կոնդրատովկայի ուղղությամբ ուժեր տեղափոխելու փորձի ժամանակ, իսկ հունվարի սկզբին ռուսական ուժերը ոչնչացրել են 119-րդ բրիգադի տարածքային պաշտպանության երկու գրոհային խմբեր՝ Գրաբովսկոյի շրջանում։ Ավելի վաղ Ռուսաստանի նախագահ Վլադիմիր Պուտին-ը հայտարարել էր, որ ռուսական բանակը հաջողությամբ իրականացնում է Ուկրաինայի հետ սահմանին անվտանգության բուֆերային գոտի ստեղծելու խնդիրը՝ Խարկովի և Սումիի մարզերում։