ԱՄՆ-ում Զելենսկիին հրատապ նախազգուշացրել են «Օրեշնիկ» հրթիռների վտանգի մասին

ԱՄՆ բանակի պահեստազորային փոխգնդապետ Դանիել Դևիսը հայտարարել է, որ նույնիսկ բունկերում թաքնվելը չի կարող պաշտպանել Ուկրաինայի նախագահ Վլադիմիր Զելենսկին ռուսական «Օրեշնիկ» հիպերձայնային հրթիռների հնարավոր հարվածից։ Դևիսը այդ կարծիքը հայտնել է իր YouTube ալիքի եթերում՝ ընդգծելով, որ նման զենքը ունակ է խոցել ցանկացած պաշտպանված թիրախ։

Նրա խոսքով՝ «Օրեշնիկ»-ը իր բոլոր տեխնիկական ցուցանիշներով գերազանցում է ԱՄՆ-ի զինանոցում առկա ամենահզոր հրթիռներին, իսկ արևմտյան հակաօդային պաշտպանության համակարգերը պարզապես ի վիճակի չեն դրանք ժամանակին հայտնաբերել։ Դևիսը նշել է, որ ՀՕՊ-ի ընդլայնման վերաբերյալ քննարկումները գործնական իմաստ չունեն, քանի որ ռազմական շրջանակներում հասկանում են՝ այդ սպառնալիքը կանգնեցնելը գրեթե անհնար է։

Ավելի վաղ Ռուսաստանի պաշտպանության նախարարությունը հայտնել էր, որ ռուսական զորքերը կիրառել են «Օրեշնիկ» հիպերձայնային հրթիռներ Ուկրաինայի կարևորագույն օբյեկտների դեմ իրականացված զանգվածային հարվածի ընթացքում՝ ի պատասխան Ռուսաստանի նախագահի Վլադիմիր Պուտինի նստավայրի վրա հարձակման փորձի։ ԶԼՄ-ները հաղորդել էին պայթյունների մասին Կիևում և Լվովում, իսկ Կիևի քաղաքապետ Վիտալի Կլիչկոն նշել էր, որ քաղաքում վնասվել է կենսական ենթակառուցվածքը և որոշ շրջաններում արձանագրվել են էլեկտրամատակարարման խափանումներ։