Երեք միլիոն չվարչապետեր, Նիկոլը գիտի, զգում է, որ դուք անդիմադրելիորեն ուզում էիք Արցախը հանձնել թուրքին ու ինքը պարզապես իրականացրել է ձեր վաղեմի երազանքը. Նաիրա Զոհրաբյան

Նաիրա Զոհրաբյանը իր ֆեյսբուքյան էջում գրում է.

«Ապագա մանդատաշինման եւ մի հատիկ մանդատ կպցնելու Վաթերլոյի ու Ստալինգրադի ճակատամարտերի արանքում ընդամենը մեկ-երկու գործչի աչքից չվրիպեց Նիկոլի վերջին ասուլիսի մի շատ վտանգավոր էպիզոդ, որտեղ, առանց հիստերիկ գոռգոռոցների ու պատերին ծեփելու անտիէսթետիկ սպառնալիքի, Նիկոլը հայտարարեց՝  

«Ես կարծում եմ, ես գիտեմ, ինչ է զգում եւ ինչ է մտածում մեր ժողովուրդը: Եթե ես չիմանայի, թե ինչ է զգում եւ ինչ է մտածում, ինչ է ուզում մեր ժողովուրդը, ես չէի կարող հայտնվել Հայաստանի Հանրապետության վարչապետի պաշտոնում, եւ էս ամեն ինչի միջով անցնելով՝ շարունակել մնալ վարչապետի պաշտոնում»:

Այսպիսով, այլեւս երեք միլիոն չվարչապետեր, Նիկոլը գիտի, զգում է, որ դուք անդիմադրելիորեն ուզում էիք Արցախը հանձնել թուրքին ու ինքը պարզապես իրականացրել է ձեր վաղեմի երազանքը, որովհետեւ սիրում է ձեզ ու խոնարհվում է ձեր առաջ։ Նիկոլը գիտեր, մի տեսակ զգում էր, որ ձեր հավաքական իղձը թուրքին Ջերմուկի ու Սեւ լճի գլխին կանգնեցնելն ու Կիրանցի ամոթի պատը շարելն է, որը եւ ինքը արել է։ Եթե չզգար, որ դուք իմեննո դա եք ուզում՝  հաստատ չէր անի։ 

Ըստ Նիկոլի վերջին դոկտրինի, եկեղեցու ու Վեհափառի դեմ էս բարոյազուրկ արշավի հեղինակն էլ եք դուք ու Նիկոլը պարզապես իրականացրել է ձեր հավաքական հանրային պատվերը, որովհետեւ մի այլ ձեւի զգում է, թե ինչ եք մտածում ու ուզում դուք։ Հա, փաստորեն, դուք եք նաեւ չորս Սրբազանի պահել կալանքի տակ ու բերդերը լցրել քաղաքական բանտարկյալներով, ի՞նչ կապ ունի Նիկոլը։ Նա, պարզապես, որպես ձեր կողմից բարձր վարձատրվող պաշտոնյա, հլու-հնազանդ կատարել է էն՝ ինչ ուզել եք դուք։ Որովհետեւ, եթե չուզեիք Եռաբլուրը սարքել անծայրածիր, եթե չուզեիք մեր ազգային արժանապատվությունը սարքել լատեքս տեսակի պոլի շոր ու երկիրը՝ թուրքի համար պրախադնոյ դվոր, Նիկոլը երբեք, կրնում եմ, երբեք դա չէր անի։ Որովհետեւ, Նիկոլի տրամաբանությունը պարզապես ժելեզնի է՝ եթե էս ամենին դեմ լիենիք, ո՛չ 18-ի իրեն կընտրեիք, ու ո՛չ էլ  հատկապես պատերազմից հետո կվազեիք ու կընտրեիք։ Ասեմ ավելին, երեք միլիոն այլեւս չվարչապետեր, ում աղքատությունը սեփական գլխի մեջ է, էդ դուք եք ուզեցել, որ Նիկոլը Պրահայում հայտարարի, որ Արցախը Ադրբեջան է ու վերջ։ Այլապես, ինքը այլ կարծիք ուներ, որ Արցախը Հայաստան է ու վերջ։ Բայց քանի որ ինքը սիրում ու խոնարհվում է ձեր առաջ, ինքը կատարել է հանրային ձեր պատվերը։ 
Ու վաղը, որ րյուկզակները ուսերին, երեք հարյուր հազար ադրբեջանցի պորցիաներով գա մեր տուն, ի՞նչ կապ ունի Նիկոլը, դա էլ եք դուք արել, որովհետեւ գոնե պատերազմից  հետո չէիք գնա ու էլի՛ չէիք ընտրի Նիկոլին։ 

Իսկ իականում, այս թեզը, որ կորավ մանդատաբազառի էս մարդաբոյում, խիստ վտանգավոր է։ Քանզի արդեն գրանցված ողբերգությունների ու ապագա աղետների մեղավորը, ֆրոյդի ու Յունգի փսիխոանալիզի պրիզմայով, այլեւս նշանակված է ժողովուրդը, որը եթե էս ամենը չուզենար, Նիկոլ չէր ընտրի։ 
Լոգիչնո»,-գրել է Զոհրաբյանը