ԱՄՆ-ն Իրանին զգուշացրել է Հորմուզի նեղուցի փակման հետևանքների մասին

Վաշինգտոնը սպասում է, որ Թեհրանը լիովին կբացի Հորմուզի նեղուցը նավագնացության համար, հակառակ դեպքում բանակցություններում կլինի հիմնարար փոփոխություն։ Այս մասին Fox News-ի եթերում հայտարարել է ԱՄՆ փոխնախագահ Ջեյ Դի Վենսը։

«Մենք սպասում ենք, որ իրանցիները կշարունակեն շարժվել Հորմուզի նեղուցը բացելու ուղղությամբ։ Եվ եթե նրանք դա չանեն, դա հիմնարար կերպով կփոխի մեր՝ նրանց հետ վարվող բանակցությունների ընթացքը», - ասել է նա։

Ապրիլի 13-ին Reuters-ը հայտնել է, որ Իսլամաբադում ամերիկյան կողմի հետ բանակցություններում Իրանի պատվիրակությունը մերժել է ԱՄՆ պահանջները՝ դադարեցնել ուրանի հարստացումը և ոչնչացնել դրանց հետ կապված արդյունաբերական օբյեկտները։ Աղբյուրների համաձայն, Թեհրանը նաև հրաժարվել է լիովին բացել Հորմուզի նեղուցը նավագնացության համար և դադարեցնել Պաղեստինում «Համասին» և Լիբանանում «Հեզբոլլահին», ինչպես նաև Եմենում «Անսար Ալլահ» հութի ապստամբներին աջակցելը։