ԱՄՆ-ը սպառել է նորագույն PrSM հրթիռների պաշարները Իրանի դեմ գործողությունների ընթացքում

ԱՄՆ-ը սպառել է նորագույն բարձր ճշգրտության PrSM բալիստիկ հրթիռների իր պաշարները Իրանի դեմ իրականացված ռազմական գործողությունների ընթացքում։ Aviation Week-ի փոխանցմամբ՝ այս մասին հայտնել է ԱՄՆ զինված ուժերի ներկայացուցիչ Ջիմի Արտերը։

Նրա խոսքով՝ Իրանի դեմ պատերազմի սկզբնական փուլում տեղակայված հրետանային ստորաբաժանումը լիովին օգտագործել է PrSM հրթիռների առկա պաշարը, սակայն մոտ ժամանակում նախատեսվում է դրա համալրում։ Նշվում է, որ այս հրթիռները առաջին անգամ կիրառվել են իրական մարտական պայմաններում հենց այդ գործողության ընթացքում։

PrSM համակարգը մշակվել է՝ փոխարինելու հնացող ATACMS հրթիռներին և ունի ավելի մեծ հեռահարություն ու ճշգրտություն։ Ավելի վաղ հայտնի էր դարձել, որ Վաշինգտոնի և Թեհրանի միջև բանակցությունները շարունակվում են նաև ԱՄՆ պատվիրակության Պակիստանից հեռանալուց հետո՝ Իսլամաբադի միջնորդությամբ։