CNN հարցում․ ամերիկացիների 75%-ը դեմ է Գրենլանդիան վերահսկելու Թրամփի ծրագրին

ԱՄՆ բնակչության մեծամասնությունը դեմ է Գրենլանդիան վերահսկելու գաղափարին։ CNN-ի հարցման համաձայն՝ ամերիկացիների շուրջ 75%-ը չի աջակցում Դոնալդ Թրամփի նախաձեռնությանը՝ կղզին ԱՄՆ վերահսկողության տակ վերցնելու վերաբերյալ, մինչդեռ միայն 25%-ն է կողմ։

Հարցումը ցույց է տալիս, որ նույնիսկ Հանրապետական ընտրողների շրջանում չկա միասնական դիրքորոշում․ նրանց կեսը աջակցում է, կեսը՝ դեմ է։ Իսկ դեմոկրատների շրջանում գրեթե ամբողջական մերժում է՝ շուրջ 94%։ Անկախ ընտրողների մեծամասնությունը նույնպես դեմ է նման քաղաքականությանը։

Ընդհանուր առմամբ, հարցվածների մեծ մասը մտահոգված է, որ Թրամփը չափազանց հեռու է գնում արտաքին քաղաքականության մեջ՝ փորձելով ընդլայնել ԱՄՆ ազդեցությունը այլ երկրների նկատմամբ։ Շատերը նաև կարծում են, որ նման քայլերը կարող են վնասել ԱՄՆ հեղինակությանը միջազգային ասպարեզում։