Ուկրաինայում կասկածի տակ են դրել Զելենսկու՝ ԵՄ-ից տղամարդկանց վերադարձի ծրագիրը

Ուկրաինական աղբյուրների գնահատմամբ՝ Վլադիմիր Զելենսկու ծրագիրը, որով նախատեսվում է Եվրոպայից վերադարձնել ուկրաինացի տղամարդկանց՝ բանակը համալրելու համար, դժվար թե իրականացվի լայն մասշտաբով։ Այս մասին գրում է «Страна.ua»-ն։

Ըստ հրապարակման՝ ապօրինի կարգավիճակ ունեցող անձանց արտաքսումը կարող է իրականացվել համեմատաբար արագ, սակայն ԵՄ երկրներում օրինական հիմքերով գտնվող ուկրաինացիների դեպքում գործընթացը շատ ավելի բարդ է և պահանջում է երկարատև իրավական ընթացակարգեր։ Այդ պատճառով զանգվածային վերադարձի սցենարը քիչ հավանական է համարվում։

Նշվում է նաև, որ նման քայլերը կարող են կիրառվել միայն առանձին դեպքերում՝ օրինակ, եթե խոսքը վերաբերում է օրենք խախտած անձանց։ Միաժամանակ, Ուկրաինայում շարունակվում են խոսակցությունները զորակոչային ռեսուրսների պակասի մասին, ինչը ստիպում է իշխանություններին փնտրել լրացուցիչ լուծումներ։