Եվրոպան կարող է բախվել տրանսպորտային վառելիքի պակասի

Եվրոպան կարող է բախվել տրանսպորտային վառելիքի պակասի Մերձավոր Արևելքի ճգնաժամի ֆոնին, խոստովանել է ԵՄ անդամ կղզի-պետություն Կիպրոսի տրանսպորտի, կապի և հանրային աշխատանքների նախարար Ալեքսիս Վաֆեադիսը։

«Մենք բախվում ենք տրանսպորտային վառելիքի պակասի հնարավորությանը՝ և ես շեշտում եմ «հնարավորություն» բառը։ Մերձավոր Արևելքում շարունակվող ճգնաժամը ցույց է տվել, որ Եվրոպան կարող է կարճաժամկետ խնդիրներ ունենալ վառելիքի մատակարարման հետ կապված», - ասել է նա ԵՄ տրանսպորտի նախարարների հանդիպումից առաջ։

Քաղաքական գործիչը կոչ է արել երկրներին պատրաստ լինել լուծելու բենզալցակայաններում հերթերի խնդիրը։ Վաֆեադիսը նշել է, որ Եվրամիությունը չի բախվում ավիացիոն վառելիքի պակասի անմիջական սպառնալիքի, սակայն չբացառեց ապագայում Մերձավոր Արևելքում հակամարտության պատճառով պակասի հնարավորությունը։