ԱՄՆ-ի խնդիրները Իրանի հետ կապվում են մոտ տարածության ՀՕՊ համակարգերի թերացման հետ

Ամերիկյան Breaking Defense պարբերականի հետ զրույցում ռազմական փորձագետ Թոմ Կարաքոն նշել է, որ ԱՄՆ-ի դժվարությունները Իրանի հարվածները արդյունավետորեն չեզոքացնելու հարցում մեծապես պայմանավորված են մոտ տարածության հակաօդային պաշտպանության համակարգերի թերագնահատմամբ։ Նրա խոսքով՝ վերջին տարիներին այս ուղղությունը բավարար ուշադրության չի արժանացել։

Փորձագետը ընդգծել է, որ հակաօդային և հակահրթիռային պաշտպանության միջև սահմանները գնալով ավելի են ջնջվում, իսկ սպառնալիքների բնույթը՝ հատկապես անօդաչու սարքերի տարածմամբ, փոխվում է։ Կարաքոյի գնահատմամբ՝ ԱՄՆ-ը երկար ժամանակ իր օդային գերակայությունը ընկալել է որպես ինքնաբերաբար ապահովված, ինչի հետևանքով անտեսվել են հատկապես կարճ հեռահարության ՀՕՊ համակարգերը։

Նա հավելել է, որ խնդիրը ոչ այնքան անօդաչուների խոցման մեջ է, որքան դրանց ժամանակին հայտնաբերման։ Փորձագետի խոսքով՝ սպառնալիքի հայտնվելուց հետո արձագանքելու համար շատ քիչ ժամանակ է տրվում, և հիմնական մարտահրավերը մնում է սենսորների արդյունավետությունն ու թիրախների ճիշտ դասակարգումը։ Միաժամանակ, լրատվական աղբյուրները հիշեցնում են նաև Իրանի կողմից ամերիկյան Patriot համակարգի հնարավոր վնասման մասին հայտնված տեղեկությունները։