Ինչո՞ւ արհեստական բանականությունը չի կարող ամբողջությամբ «սովորել» մաթեմատիկան․ գիտնականը բացատրել է

Նեյրոցանցերը չեն կարող մաթեմատիկայի վերաբերյալ համապարփակ գիտելիքներ ունենալ, քանի որ մարդիկ անընդհատ նոր գաղափարներ և հետազոտական ուղղություններ են ստեղծում։ Այս կարծիքը հայտնել է Սուորթմոր քոլեջի մաթեմատիկայի և վիճակագրության ամբիոնի ղեկավար Լին Շտյուերլե Շոֆիլդը։

Նրա խոսքով՝ արհեստական բանականությունը մաթեմատիկական խնդիրներ լուծելիս հիմնականում հենվում է արդեն գոյություն ունեցող և հրապարակված գիտելիքների վրա, մինչդեռ գիտությունը շարունակ զարգանում է, և ի հայտ են գալիս նոր գաղափարներ ու տվյալներ։

Ավելի վաղ Anthropic ընկերությունը հայտնել էր, որ Claude արհեստական բանականության մոդելը երկու շաբաթից պակաս ժամանակում համակարգչային եղանակով ստուգել և ձևայնացրել է Ֆերմայի մեծ թեորեմի արդեն գոյություն ունեցող ապացույցը։ Ըստ ընկերության՝ այդ աշխատանքի ընթացքում ստեղծվել է 13 միլիոն տող կոդ և ապացուցվել շուրջ 29,5 հազար միջանկյալ թեորեմ։

Շոֆիլդի գնահատմամբ՝ նույնիսկ նման արդյունքները չեն նշանակում, որ նեյրոցանցը կարող է տիրապետել ամբողջ մաթեմատիկային, քանի որ մարդկային նոր գաղափարների և հետազոտությունների ի հայտ գալուն զուգահեռ գիտելիքների սահմաններն անընդհատ ընդլայնվում են։