Վրաստանի և Թուրքիայի վարչապետները հանդիպել են Անկարայում

Անկարայում հինգշաբթի օրը տեղի է ունեցել Վրաստանի և Թուրքիայի վարչապետների հանդիպումը: Ինչպես հայտնում են Վրաստանի վարչապետի մամլո ծառայությունից, վարչապետներն առանձին հանդիպում են ունեցել. գրում է Trend-ը:

Կողմերը քննարկել են երկկողմ հարաբերությունների հետագա խորացման և տնտեսական կապերի ամրապնդման հարցերը:

Էրդողանն ու Իվանիշվիլին քննարկել են նաև տարածաշրջանային անվտանգության ապահովման խնդիրներն ու այն նախագծերը, որոնք իրականացվում են Թուրքիայի և Վրաստանի մասնակցությամբ: Վարչապետի հանդիպումից հետո կայացել է 2 երկրների պատվիրակությունների հանդիպումը:

Այսօր Իվանիշվիլին իր մեկօրյա այցի շրջանակներում հանդիպելու է Թուրքիայի նախագահի և խորհրդարանի նախագահի հետ: