Իրանն ու Ադրբեջանը քննարկել են Արաքս գետի վրա գտնվող ՀԷԿ-ի շահագործման հարցերը

«Իրանի և Ադրբեջանի աշխատավորական խմբերը քննարկել են «խոդա աֆերին» և «Գըզ Գալասը» ամբարների շահագործման տեխնիկական և իրավական հարցեր»,-այս մասին հայտնել է Ադրբեջանում Իրանի դեսպանատան մամլո ծառայության ղեկավար Մուհամմեդ Այաթոլլահին: Տեղեկացնում է Fars գործակալությունը: 

Նրա խոսքերով՝ ամբարի շահագործման իրավական և տեխնիկական հարցերի քննարկումները տեղի են ունեցել փետրվարի 16-18-ը Թավրիզում: Կողմերը պայմանավորվել են մոտակա ամիսների ընթացքում կրկին հանդիպման մասին ձեռք բերված համաձայնությունները կատարելագործելու համար: 

«Խոդա աֆերին» ամբարը կառուցվել է Արաքս գետի վրա՝ Իրանի և Ադրբեջանի միջև ձեռքբերված պայմանավորվածության համաձայն: Ամբարի կողքը կառուցվում է 100 մեգավատ հզորությամբ էլեկտրակայան:

«Գըզ Գալասը» ամբարը կառուցվում է որպես օժանդակ ամբարտակ և գտնվում է «Խոդա աֆերին» ամբարտակից 10 կմ հեռավորության վրա: 

Աշխատավորական խմբերի միջև քննարկումները տեղի են ունեցել շատ լավ մթնոլորտում: Քննարկումներին մասնակցել են ԱԳՆ-ի, սահմանապահ ջոկատների, ինչպես նաև էկոլոգիայի և էներգետիկայի նախարարության ներկայացուցիչներ: