Քիմ Քարդաշյանն ամուսնալուծվո՞ւմ է

Նրանք ընդամենը ութ շաբաթ է, ինչ ամուսնացած են, բայց արդեն լուրեր են տարածվում, որ Քիմի ու Քրիսի հարաբերություններում «ճեղքվածք» է առաջացել: Հոկտեմբերի 20-ին, բասկետբոլի աստղ Քրիս Համֆրիսին լուսանկարիչները ֆիքսել են «դարձ» գնալիս: Նա հավաքել է իրերն ու լքել Նյու-Յորքի հյուրանոցներից մեկում կնոջ' Քիմի հետ համատեղ համարը:

Ընտանիքին մոտ աղբյուրները տեղեկացրել են, որ ոչ մի լուրջ խնդիր չկա, Քարդաշյանների ողջ ընտանիքն է լքել հյուրանոցը, իսկ պատճառը ռեալիթի-շոուի նկարահանումների ավարտն է:

Իհարկե, սա դեռ հիմք չէ հայտարարելու, որ Քիմն ու Քրիսը բաժանվում են: Իսկ ավելի լուրջ առիթ է հանդիսացել այն, որ "դարձի'' ընթացքում Քրիսը չի կրել ամուսնական մատանին: Նույն օրվա մեջ առանց մատանու երկրորդ անգամ էլ են բռնացրել բասկետբոլիստին, երբ նա այցելել է իր մատնահարդարին' պեդիկյուր կատարելու :

Քիմն ու քույրը՝ Քորթնին, հետ չեն մնում Քրիսից: Նրանք եւս որոշել են օգտվել մատնահարդարի ծառայություններից: Հենց դա է պատճառը, որ գեղեցկության սրահը լքելուց հետո Քիմը դավաճանել է իր բարձրակրունկ կոշիկներին՝ նախընտրելով հողաթափիկները:):

«Star» ամսագիրը, որ առաջինն է հայտնել Էշթոն Քաթչերի եւ Դեմի Մուրի ամուսնալուծության մասին, տեղեկություն է տարածել, թե վերջին մի քանի երեկույթին Քրիսը ներկա է գտնվել առանց Քիմի: Զույգին մոտ մեկ այլ աղբյուր էլ հայտնել է, որ «չգիտի՝ ինչու Քիմն ու Քրիսը այդքան շուտ ամուսնացան, եւ նրանք հաստատ ամուսնալուծվում են»:

Այս ամենից հետո Քարդաշյանն ու իր ամուսինը, կրելով ամուսնական մատանիներն, այցելել են նյույորքյան ռեստորաններից մեկը: Նրանք մենակ չեն եղել, այլ՝ Քիմի քրոջ՝ Քորթնիի, եւ նրա ընկերոջ՝ Սքոթ Դիսիքի հետ: Քիմն ու Քրիսը փորձել են սիրալիր գտնվել միմյանց նկատմամբ, սակայն ռեստորանի ճանապարհին զույգի ձեռքերն այդպես էլ չեն խաչվել, ի տարբերություն Քորթնիի եւ Սքոթի: Մի խոսքով, եզրակացություններ անել պետք չէ, հավանաբար, այս ամենն ընդամենը շոուի հերթական մաս է: