Ֆրանսիացի սենատորը հավատում է հայերի և ադրբեջանցիների միջև խաղաղ ապագային

Ադրբեջանական 1News.az լրատվական կայքը հարցազրույց է վերցրել ֆրանսիացի սենատոր Ժան Մարի Բոկելից, ով անդրադարձ է կատարել Լեռնային Ղարաբաղի հարցին:

«Ֆրանսիայի և Գերմանիայի միջև բազմաթիվ արյունալի պատերազմներից հետո պատմական հաշտությունը կարող է վառ օրինակ ծառայել այն բանի համար, որ միշտ էլ կա խաղաղություն ձեռք բերելու հնարավորություն, բարգավաճման հասնելու հնարավորություն»,-կարծում է ֆրանսիացի սենատորը:

«Հաշվի առնելով Լեռնային Ղարաբաղի հակամարտության ողջ դժվարությունը, բազմաթիվ փախստականների առկայությունը՝ ես հուսով եմ, որ հայ և ադրբեջանցի ժողովուրդները կկարողանան մոտ ապագայում հասնել տարածաշրջանում խաղաղ համակեցության»,-ասել է Բոկելը:

Նա նշել է նաև, որ ձգձված հակամարտությունը Հայաստանի և Ադրբեջանի միջև ահազանգող իրավիճակ է ստեղծում տարածաշրջանում՝ սասանելով Հարավային Կովկասում կայուն քաղաքական և տնտեսական զարգացման հեռանկարները: