Մեկնարկել է ԵԱՀԿ Մինսկի խմբի համանախագահների այցը տարածաշրջան
Տարածաշրջան
ԵԱՀԿ Մինսկի խմբի համանախագահները փետրվարի 2-ի երեկոյան ժամանել են տարածաշրջան: Այս մասին հայտնի է դարձել ամերիկացի համանախագահ Ջեյմ Ուորլիքի թվիթերյան գրառումից:
Համանախագահներն Ադրբեջանում և Հայաստանում կհանդիպեն նախագահների հետ:
«Մենք կհանդիպենք նախագահների հետ պարզելու' պատրա՞ստ են արդյոք խաղաղությանն ընդառաջ քայլ կատարել և խնդիրը լուծել առանց բռնությունների»,-գրել է Ուորլիքն իր միկրոբլոգում:
Ադրբեջանական «ԱՊԱ» գործակալության հաղորդմամբ' Բաքու են ժամանել ԵԱՀԿ ՄԽ Ֆրանսիայի համանախագահ Ժակ Ֆորը և ԱՄՆ համանախագահ Ջեյմս Ուորլիքը: Փետրվարի 3-ին համանախագահները հանդիպում կունենան Ադրբեջանի նախագահ Իլհամ Ալիևի և արտաքին գործերի նախարար Էլմար Մամեդյարովի հետ: Բաքվի այցից հետո համանախագահները կայցելեն Երևան:
Հիշեցնենք, որ հունվարի 24-ին Փարիզում տեղի ունեցավ Հայաստանի արտգործնախարար Էդվարդ Նալբանդյանի, Ադրբեջանի արտգործնախարար Էլմար Մամադյարովի, ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցիչ Անջեյ Կասպրչիկի հանդիպումը . նրանք ցանկանում են կազմակերպել Հայաստանի և Ադրբեջանի նախագահների հանդիպումը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
