Իլհամ Ալիևն ընդունել է ԵԱՀԿ գործող նախագահին

Ադրբեջանի նախագահ Իլհամ Ալիևն ընդունել է ԵԱՀԿ գործող նախագահ, Շվեյցարիայի նախագահ և արտգործնախարար Դիդիե Բուրկհալտերին: Այս մասին տեղեկացնում է ադրբեջանական «ԱՊԱ» գործակալությունը: Երկկողմ հանդիպման ընթացքում քննարկվել է ադրբեջանա-շվեյցարական հարաբերությունների զարգացումը քաղաքական, տնտեսական և այլ ոլորտներում, ինչպես նաև դրանց ընդլայնման հնարավորությունները:

Նախագահների առանձնազրույցից հետո տեղի է ունեցել ավելի ընդլայնված հանդիպում, որին ներկա են եղել պատվիրակության անդամները: