Իրաքցի ահաբեկիչները մտադիր են գրավել Թուրքիան և Ադրբեջանը

«Իրաքի և Լևանտի իսլամական պետություն» (ԻԼԻՊ) ահաբեկչական խմբավորումը, որը վերջին մի քանի օրերին մի շարք քաղաքներ է զավթել Իրաքի հյուսիսում և իսլամական սունի խալիֆայություն հայտարարել այդ տարածքներում, սպառնացել է, որ մտադիր է սունի խալիֆայություն հիմնել նաև Ադրբեջանում, Թուրքիայում և Կիպրոսում: Այս մասին հայտնում է ադրբեջանական ANS հեռուստաալիքը:

Նշվում է, որ ԻԼԻՊ-ը ծրագրել է մոտ ժամանակում հարձակվել հիշյալ երկրների վրա և այդ տարածքներում ևս հիմնել իր երազած խալիֆայությունը:

ԻԼԻՊ-ը իշխանությունն ամբողջությամբ իր ձեռքն է վերցրել Իրաքի երկրորդ քաղաք Մոսուլում, Թիքրիթում և 11 այլ քաղաքներում: Իրաքի շիա վարչապետ Նուրի ալ Մալիքին արտակարգ իրադրություն է հայտարարել և տղամարդկանց կոչ արել զենք վերցնել ԻԼԻՊ-ի դեմ: Մալիքին նաև դիմել է ՄԱԿ-ին և Արաբական լիգայի երկներին և աջակցություն խնդրել ահաբեկչության դեմ պայքարում:

Երկօրյա այցով Ադրբեջանում գտնվող Ռուսաստանի Դաշնության արտաքին գործերի նախարար Սերգեյ Լավրովը երեկ Բաքվում հայտարարել է, որ «Իրաքում և Սիրիայում գլուխ բարձրացրած միջազգային ահաբեկչությունը վտանգ է ստեղծում Ադրբեջանի և Ռուսաստանի համար»: Modern.az լրատվական կայքը հայտնում է, որ այս մասին Լավրովը հայտարարել է լրագրողների հետ անցկացված մամուլի ասուլիսում: ՌԴ ԱԳՆ ղեկավարը լրագրողներին ասել է, որ Բաքվում համաձայնություն են ձեռք բերել հակահաբեկչական համագործակցության բոլոր ուղղությունների վերաբերյալ շփումներն ակտիվացնելու հարց ում: