Վերին Լարսի անցակետում մարդկանց մեծ հոսքի պատճառով հերթերը շարունակվում են

Վերին Լարսի անցակետում հերթերը շարունակվում են եւ դեռեւս կուտակումներ կան: Այս մասին «Արմենպրես»-ի հետ զրույցում նշեց ՀՀ արտաքին գործերի նախարարության մամուլի քարտուղար Տիգրան Բալայանը` ընդգծելով, որ կուտակումներն առաջացել են վերջին շրջանում մարդկանց` սովորականից ավելի մեծ հոսքի արդյունքում: «Անցակետը բնականոն կերպով գործում է, ռուսական կողմը հավաստիացնում է, որ խնդիրը զուտ տեխնիկական է` պարզ ապես չեն հասցնում սպասարկել»,-ասաց Բալայանը:

Կուտակումներն առաջացել են ռուսական կողմում, մարդիկ մեծ խմբերով հավանաբար դեպի Սեւ ծովի վրացական ափեր են գնում: