Համահայկական խաղերի ֆուտբոլի մրցաշարի հաղթողը Ստեփանակերտի թիմն է

Համահայկական 6-րդ ամառային խաղերի տղամարդկանց ֆուտբոլի մրցաշարի հաղթողը Ստեփանակերտի թիմն է:

«Արմենպրես»-ի հաղորդմամբ' եզրափակչում Ստեփանակերտի թիմը, որն, ի դեպ, պայքարը սկսել էր դեռևս Ասկերանում կայացած խմբային փուլի հանդիպումներով, մրցում էր Բառնաուլի թիմի հետ: Ստեփանակերտի թիմին հաջողվեց առավելության հասնել մրցակցի նկատմամբ և դառնալ Համահայկական 6-րդ ամառային խաղերի մրցաշարի հաղթող: Երրորդ տեղը զբաղեցրեց Պիլարի թիմը:

Համահայկական ամառային 6-րդ խաղերի ջահը մայիսի 8-ին վառվեց Շուշիում և Արցախի ու Հայաստանի քաղաքներով կուղևորվի Հայաստանի Հանրապետության մայրաքաղաք Երևան: Ջահը կանցնի հայկական մի շարք քաղաքներով: Համահայկական ամառային 6-րդ խաղերը կանցկացվեն օգոստոսի 2-13-ը: Խաղերի օրակարգում ընդգրկված նախկին տասը մարզաձևին' ֆուտբոլ, մինի ֆուտբոլ, բասկետբոլ, վոլեյբոլ, ատլետիկա, թենիս, սեղանի թենիս, շախմատ, բադմինթոն, լող, ավելացնել են ևս յոթը' լողափնյա վոլեյբոլ, սպորտային պարեր, գոլֆ, հանդբոլ, բազկամարտ, հեծանվասպորտ և հրաձգություն: Այս խաղերը իսկապես, որ աննախադեպ են ոչ միայն մարզաձևերի առատությամբ այլ նաև մասնիկներից քանակով, որը գերազանցում է 6350-ը: