Դե Խեայի տեղափոխությունը «Մանչեսթեր Յունայթեդից» «Ռեալ» ձախողվել է վերջին պահին. կողմերը կբողոքարկեն

«Մանչեսթեր Յունայթեդի» դարպասապահ Դավիդ Դե Խեայի`«Ռեալ» տեղափոխությունը ձախողվել է:

Ինչպես տեղեկացնում է Marca-ն մադրիդյան կողմը մինչև տրանսֆերային պատուհանի փակումը չի հասցրել Լա Լիգայի ղեկավարությանը ֆուտբոլիստի տեղափոխության բոլոր փաստաթղթերը ուղարկել:

Ինչպես տեղեկացնում է Goal.com-ը Մանչեսթերյան կողմը կատարել է իր պարտականությունները: Մանկունիացիների ղեկավարությունը դարպասապահին գրանցել է ՖԻՖԱ-ի TMS տրանսֆերային համակարգում ճիշտ ժամանակին, սակայն «Ռեալը» չի հասցրել գրանցել նրան Լա Լիգայում:

Արդյունքում Դե Խեայի նկատմամբ իրավունքները պատկանում են «Արքայական ակումբին», սակայն ֆուտբոլիստին թիմը  Իսպանիայի առաջնությունում  խաղադաշտ դուրս բերել չի կարող: 

«Մանչեսթեր Յունայթեդի» ղեկավարությունը համապատասխան փաստաթուղթ ունի, որը ապացուցում է` իրենք ֆուտբոլիստի տեղափոխությունը «Արքայական ակումբ» ձևակերպել են ճիշտ ժամանակին:

«Ռեալը» մտադիր է ապացուցել, որ Դավիդ Դե Խեայի տեղափոխության մասին  փաստաթղթերը գրանցելու համար Լա Լիգային է այն ուղարկել է  տրանսֆերային պատուհանի փակվելուց մեկ րոպե առաջ:

Երկու կողմերն էլ պատրաստվում են բողոքարկել այս հարցը ՖԻՖԱ-ում: Կողմերը կնշեն, սակայն, որ գործարքը ձախողվել է համակարգիչների հետ կապված տեխնիկական խնդիրների պատճառով, գրում է Sky Sports-ը: 

Արդյուքում վերջին խոսքը կլինի ՖԻՖԱ-ինը: