Ցավալի կլինի, եթե Մովսիսյանը հեռանա «Սպարտակից». Վալերի Ռեյնգոլդ

Մոսկվայի  «Սպարտակի» նախկին ֆուտբոլիստ Վալերի Ռեյնգոլդը մեկնաբանել է թիմի հարձակվող Յուրա Մովսիսյանի ակումբը լքելու մասին լուրերը:

Հիշեցնենք, որ ավելի վաղ լուրեր տարածվեցին` Հայաստանի ազգային ընտրանու հարձակվողը պատրաստվում է ձմռանը հեռանալ մոսկովյան թիմից: Ֆուտբոլիստի ծառայութուններով հետաքրքրված է անգլիական թիմը:

«Մովսիսյանը լավ մակարդակի խաղացող է, լավ արագության և երկու ոտքով հարվածների է տիրապետում, ինչը կարևոր գործոն է: Ինձ համար ցավալի կլինի, եթե Յուրան հեռանա: «Սպարտակում» ամեն ինչ պետք է ինքնակամ լինի և, եթե Մովսիսյանը ակումբի ղեկավարությանը խնդրել է իրեն բաց թողնել, այդ դեպքում ես ղեկավարության կողմից եմ: Հեռանալու ցանկության դեպքում նա չի խաղա նախկինի պես և չի տրվի ֆուտբոլին: Այդ պատճառով էլ պետք է նրանց բաց թողնել, ովքեր չեն ցանկանում թիմում մնալ: Սա վերաբերվում է ոչ միայն Մովսիսյանին, այլև՝ թիմի յուրաքանչյուր ֆուտբոլիստի: Եթե Ալենիչևին Մովսիսյանը անհրաժեշտ է, ապա մարզիչը պետք է խոսի իր խաղացողի հետ, խոսակցությանը հրավիրի Ֆեդունին և ասի, որ ինքը ֆուտբոլիստի հետ հույսեր է կապում և պետք է բարձրացնել նրա աշխատավարձը: Եթե Ալենիչևը դրան չգնա, ուրեմն ֆուտբոլիստը իրեն պետք չէ, նրան անհրաժեշտ է բաց թողնել և փոխարինող գտնել»,- Ռեյնգոլդի խոսքը մեջբերում է rusfootball.info-ն: