«Չորրորդ իշխանություն». Վաղինակ Շուշանյանը սառը հարաբերություններ ունի Մաքսիմ Սարգսյանի հետ

«Չորրորդ իշխանություն» թերթը գրում է. «Վաղինակ Շուշանյանի հետ առանձնապես սառը հարաբերություններ ունեն «Ոչ թալանին» նախաձեռնության մնացած առանցքային դեմքերը. խոսքն, օրինակ, Մաքսիմ Սարգսյանի և Արամ Մանուկյանի մասին է: Ակցիայի մասնակիցների դիտարկմամբ՝ Վաղինակը սեպտեմբերի 1-ի բողոքի երթի ժամանակ իրեն շատ վատ է պահել հատկապես ոստիկանների հետ շփվելիս: Նրանց հայհոյել է, ապա վերնազգեստն է հանել, որպեսզի այդ քաշքշոցների մեջ հանկարծ չպատռվի, հետո փորձել է այդ ամենը վերագրել ոստիկաններին, թե իբր իրեն քաշքշել են և պատռել շորերը: Հետո թե ոստիկաններին կոչ է արել բացել փողոցը: Իսկ երբ տեսել է, որ իրեն լսող չկա, ոստիկաններին մեղադրել է տղամարդկություն չունենալու մեջ:

Մի խոսքով՝ երբեմնի հավասարակշիռ և ադեկվատ երիտասարդն անհասկանալի է, թե ինչի է վերածվել: Խոսակցություններ կան, որ վերջինս իր տարօրինակ գործողություններով անլրջացնում է ակցիան, ինչպես նաև հրահրում է, որպեսզի ոստիկանությունն ամեն գնով արգելի նախաձեռնության անդամների տեղաշարժը»:

Մանրամասն՝ թերթի այսօրվա համարում