«Հրապարակ». Ընկերս Մարսելի հյուպատոսն է. Թոխմախի Մհերը՝ «Ֆրանկ Մյուլլեր»-ի գլխավոր տնօրենի հետ հանդիպման մասին
Հայկական Մամուլ
«Հրապարակ» օրաթերթը գրում է. «ԱԺ ՀՀԿ-ական պատգամավոր Մհեր Սեդրակյանից հետաքրքրվեցինք՝ ի՞նչ նպատակով էր ամռանը՝ հուլիսին, Շվեյցարիայում հանդիպել ժամացույցներ արտադրող հայտնի «Ֆրանկ Մյուլլեր» ընկերության գլխավոր տնօրեն Վարդան Սիրմակեսի հետ, ով նաև «Արմսվիսբանկի» սեփականատերերից է. Հայաստանում և ԼՂՀ-ում ներդրումներ է կատարում: «Ինքն իմ ընկերն ա, ինձ հրավիրել էր, հիմա էլ Մարսելում հյուպատոս է և հիմա էլ ինձ Մարսել է հրավիրել, պիտի գնամ, չգիտեմ երբ, բայց կգնամ»: Իսկ բիզնես հետաքրքրություննե՞ր։ «Չգիտեմ, ինքս նման հետաքրքրություններ չունեմ, եթե իրանք բան առաջարկեն, հասկանամ, որ ես կարող եմ էդ հարցը շարունակել կամ միջամտել, օգնել, ինչի՞ չէ որ»:
Մհեր Սեդրակյանն ասաց, որ Վարդան Սիրմակեսը «Հին Երևան» բազմաչարչար պրոյեկտով է շուտով զբաղվելու, Հյուսիսային պողոտային կից՝ Արամի-Կողբացի-Աբովյան փողոցների միջնամասում։ «Ինքը տենդեր է շահել, և հավանաբար գարնանը կսկսեն աշխատանքները, մոտ 200 միլիոն ներդրում է նախատեսվում»,-ավելացրեց Սեդրակյանը։ Սա հին Երևանի պատմամշակութային, քաղաքաշինական հին արժեքները պահպանելուն ուղղված նախագիծ է»:
Մանրամասները՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
