Տնաքանդություն…

Ընտրություններից հետո կարծես Հայաստանում կրճատումների մի նոր ալիք է բարձանում: Սկսած կրթօջախներից մինչև լեզվի տեսչություն, գրադարաններ ու այլ պետկան հաստատություններ հայտնվել են անոմալ իրավիճակում. պլանավորված կերպով ընթանում է մի պրոցես,որը կոչված է ամեն գնով մարդկանց անաշխատանք թողնելուն:

Վանաձոր քաղաքում այս օրերին բավական սուր իրավիճակ է ստեղծվել. քաղաքի ավագանին'քաղաքապետ Մամիկոն Ասլանյանի գլխավորությամբ, անակնկալ որոշում է կայացրել Վանաձորի կենտրոնացված գրադարանային համակարգի 62 հաստիքներից 41-ը կրճատելու մասին: Արդյունքում 7 գրադարանավարներ դիմել են Հելսինկյան քաղաքացիական ասամբլեայի Վանաձորի գրասենյակ'իրենց իրավունքները պաշտպանելու ու վերջապես հասկանալու,թե որն է նման որոշման պատճառը: Համաձայնե՛ք' առանց այն էլ աշխատատեղերի պակաս ունեցող մարզային այս կենտրոնում, երբ ամեն մի աշխատատեղ տառացիորեն մի փութ ոսկու արժեք ունի, անգործ թողնել տասնյակ մարդկանց, որոնց աշխատավարձերը մինիմալ են ու բավարարում են ընդամենը հացի փողի այն պարագայում, երբ նույն քաղաքապետարանում իսկական «պերեբոռ» է կադրերի,մի տեսակ անարդարացի է լինում, ու ստացվում է, որ ավագանին ընտրողական վերաբերմունք է ցուցաբերում մի պարագայում,երբ այդ գրադարանավարները ոչնչով չէին խանգարում ոչ ոքի:

Իրականում, սակայն, եթե հաշվի ենք առնում նմանատիպ պրակտիկաների հիմքում ընկած դրդապատճառները,որոնք ամենևին էլ զուրկ չեն նյութական հիմքերից, պարզ է դառնում,որ հաճախ մարդկանց կրճատում են ոչ թե օբյեկտիվ պատճառներից ելնելով,այլ միագամայն նեղանձնային. ազատվելով «ավելորդ բերաններից»'շեֆերը հնարավորություն են ձեռք բերում' ազատ մնացած միջոցներն ըստ իրենց հայեցողության ուղղելու նրանց գրպաններն,ում իրենց առավել մոտ են համարում'քարտուղարուհիների, օգնականների և այլնի:

Ակնհյատ է,որ Վանաձորի պարագայում ևս գործ ունենք նմանատիպ մի երևույթի հետ,ու կարելի է ենթադրել,որ շուտով քաղաքապետարանի որոշ արտոնյալ չինովնիկներ կամ դրանց օգնականներ վայելելու են բարձր աշխատավարձ ունենալու քաղցրությունը: Իրականում տեղի է ունենում ՀՀԿ-ին ձայներ բերած մարդկանց ֆինասական յուրատեսակ փոխհատուցում,որի դառը պտուղները ստիպված են լինելու քաղել հասարակ մարդիկ: Ի՞նչ կարող ես անել.սա Հայաստանն է…

Դավիթ ԲԱԲԱՆՈՎ