Եվրոպայի առաջնություն. այսօր պայքարի դուրս կգան հունահռոմեական ըմբիշները

Սերբիայում շարունակվող ըմբշամարտի Եվրոպայի առաջնությունում այսօր պայքարը կսկսեն հունահռոմեական ըմբիշները:

Հայաստանի ներկայացուցիչներից պայքարի դուրս կգան  Գևորգ Ղարիբյանը (59 կգ), Կարեն Ասլանյանը (66 կգ), Արթուր Ալեքսանյանը (98 կգ), Վաչիկ Եղիազարյանը (130 կգ)։

Ղարիբյանը պայքարը կսկսի 1/8 եզրափակչից և ուժերը կչափի  Ադրբեջանի մարզիկի հետ, Ասլանյանը 1/8 եզրափակչում կմրցի Թուրքիայի մարզիկի հետ, իսկ Եղիազարյանը`Գերմանիան ներկայացնող ըմբիշի հետ:

Արթուր Ալեքսանյանը պայքարը կսկսի որակավորման փուլից և կմրցի Լիտվայի ներկայացուցչի հետ: