Ընտրություն վատի և վատթարագույնի միջև
Հայաստան
Ինչպես արդեն տեղեկացրել ենք, այսօր Ազգային ժողովի արտահերթ նիստում քննարկվում է Սևանա լճից 100 մլն խմ ջրառի հարցը;
«Ծառուկյան» դաշինիքի պատգամավոր Արարատ Զուրաբյանը նշեց, որ տարիներ շարունակ Հայաստանը տարատեսակ դրամաշնորհներ է ստացել ոռոգման համակարգի հարցերը լուծելու համար և մինչ օրս անպատասխան է հարցը՝ արդյո՞ք ՌԴ-ից ստանալու ենք դրամաշնորհ ոռոգման համակարգի խնդիրները կարգավորելու համար և արդյո՞ք Կառավարությունը առաջ եկող բոլոր հարցերի մասին երկարատև մտածել և հաշվարկներ է արել:
ՀՀԿ-ական պատգամավոր Սամվել Նիկոյանն էլ նշեց, որ այսօր ստիպված ենք ընտրություն կատարել վատի և վատթարագույնի միջև. «130 հազար գյուղացիական տնտեսություն ջրի է սպասում, քանի որ ջրամբարները կիսատ են լցվել: Կառավարությունը ստիպված է գնալ նման քայլի՝ բնականաբար, պահպանելով բնապահպանական բոլոր անհրաժեշտ չափորոշիչները»: Սամվել Նիկոյանը նաև խոսեց հավելյալ ջրառի հետևանքով տնտեսվարողների ստացած եկամուտների ավելացման մասին, որն ուղղվելու է Կառավարության արտաբյուջե. «Սա շատ նորմալ երևույթ է, Կառավարությունը ասում է՝ ա՛յ ընկեր, ես քեզ ջուր եմ տալիս, դու գերշահույթ ես ստանալու և պետք է գումարներ ուղղես Կառավարության արտաբյուջե»,-նշեց պատգամավորը՝ հավելելով, որ արտաբյուջե մտնող գումարները ուղղվելու են ոռոգման համակարգի խնդիրների լուծման համար:
ՈՒՂԻՂ ԵԹԵՐ
Ամենադիտված 
«Մենք դադարում ենք լինել ամուսիններ»․ Անահիտ Կիրակոսյանն ամուսնալուծվել է
