Օրվա խորհուրդը պետականությանը նվիրված լինելն է. Մանվել Գրիգորյան

ԵԿՄ վարչության նախագահ, Արցախի հերոս, Զորավար  Մանվել Գրիգորյանը շնորհավորական ուղերձ է հղել Սահմանադրության օրվա կապակցությամբ:

Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների,երիտասարդ, պատանի երկրապահների եւ անձամբ իմ անունից շնորհավորում եմ ՀՀ բոլոր քաղաքացիներին Սահմանադրությանօրվա կապակցությամբ։
Հայոց անկախ պետականությունը ձեռք է բերվել Երկրապահի շնորհիվ, երկրապահ հայ ժողովրդի համառ ու հետեւողականպայքարի արդյունքում, իսկ այս պայքարում հրաշալի հայորդիների արյուն է հեղվել, ողջ ազգի տքնանքն է դրված եղել այս պայքարիհիմքում։ Ուստի Երկրապահի համար թանկ է պետականության ամեն մի խորհրդանիշ, կոնկրետ դեպքում՝ Սահմանադրությունը:Սահմանադրության օրը նաեւ պետական խորհրդանիշերի օր է: Շնորհավորում եմ մեր ժողովրդին նաեւ խորհրդանիշերի օրվա կապակցությամբ՝ մաղթելով, որ ամենքս հարգանքով, ակնածանքով վերաբերվենք պետական խորհրդանիշներին, դողանք մեր պետականության վրա, գուրգուրենք մեր պետությունը:
Այս գեղեցիկ առիթով ես շնորհավորում եմ Սահմանադրության երաշխավոր ՀՀ նախագահին, մեր բոլոր պետական այրերին,շնորհավորում եմ Սահմանադրական դատարանի բոլոր անդամներին ու հատկապես այդ ատյանի ղեկավար, իմ լավ բարեկամԳագիկ Հարությունյանին, ով պետականամետ մտածողությամբ ազգային գործիչ է: 1995-ի հուլիսի 5-ին ընդունվածՍահմանադրությունն արդեն երկու անգամ բարեփոխվել է: Դա բնական է: Դա անընդհատ, շարունակական պրոցես է, բայց կարեւորէ, որ գործող Սահմանադրությունը ելքեր կարողանում է առաջարկել բոլոր իրավիճակներում, կարեւոր է, որ սահմանադրորենամրագրված են բոլոր կարեւորագույն սկզբունքները:
Սահմանադրության օրը, հիրավի տոնական է, իսկ օրվա խորհուրդը պետականությանը նվիրված լինելն է, միասնական լինելն է,պարտաճանաչ քաղաքացի լինելն է, ինչու չէ՝ նաեւ քաղաքացիական իրավունքներին եւ ազատություններին տեր լինելն է: