Մորատան ու «Մանչեսթեր Յունայթեդ»-ը համաձայնության են եկել

«Մանչեսթեր Յունայթեդ»-ը պատրաստ է 75 մլն եվրո վճարել «Ռեալ»-ին Ալվարո Մորատայի համար:

Մադրիդյան թիմը, սակայն ցանկանում է գործարքից ստանալ 90 մլն: Ավելի վաղ իսպանական կողմը երկու անգամ մերժել էր անգլիական ակումբի  60 և 70 միլիոնի առաջարկը:

Մանկունիացիների գլխավոր մարզիչ Ժոզե Մոուրինյուն  ցանկանում է ֆուտբոլիստին ակումբում տեսնել մինչև ԱՄՆ- ի հավաքին մեկնելը:

Մորատան իր հերթին  «Ռեալ»-ին տեղեկացրել է, որ ցանկանում է տեղափոխվել «Յունայթեդ» և համաձայնության է եկել անձնական պայմանագրի հարցի շուրջ: Ինչպես տեղեկացնում է  The Guardian-ը ֆուտբոլիստի աշխատավարձը կկազմի տարեկան 4 մլն ֆունտ: