ՀՀ-ում 2016 թ. գործել են 95 հեռուստաընկերություն և 18 ռադիոընկերություն

 Հայաստանի Հանրապետությունում 2016 թվականին գործել են 95 հեռուստաընկերություն, որոնցից 40-ը՝ վերգետնյա եթերային, 55-ը` կաբելային: Ազգային ժողովում «Հեռուստատեսության և ռադիոյի ազգային հանձնաժողովի 2016 թվականի գործունեության մասին» հաղորդման քննարկման ընթացքում այս մասին ասաց Հեռուստատեսության և ռադիոյի ազգայինհանձնաժողովի նախագահ Գագիկ Բունիաթյանը:  «2016 թ. Հայաստանում գործել են18 ռադիոընկերություն»,-նշեց Բունիաթյանը:

Հեռուստատեսության և ռադիոյի ազգային հանձնաժողովը 2016 թվականին տրամադրել է հեռուստառադիոծրագրերի կաբելային  հեռարձակման 7 լիցենզիա, որոնցից 3-ը`Երևան քաղաքի և մեկ կամ մի քանի մարզերի, և 4-ը`մեկ մարզի տարածքում սփռման համար: «Հաշվետու ժամանակահատվածում հեռուստառադիոծրագրերի կաբելային հեռարձակման լիցենզիա ստանալու դիմումներ չեն մերժվել:  2016 թվականին դադարեցվել է հեռուստառադիոծրագրերի կաբելային հեռարձակման 8 լիցենզիա, որոնցից 4-ը` դիմումների համաձայն, իսկ                4-ը`լիցենզիայի գործողության ժամկետը լրանալու հիմքով»,- ընդգծեց Գագիկ Բունիաթյանը:

Հանձնաժողովին վերապահված լիցենզավորման գործառույթի շրջանակում իրականացվել են նաև լիցենզիաների վերաձևակերպումներ և երկարաձգումներ: