Հայաստանի կանանց Մ18 թիմը հաղթեց Կոսովոյին և գրավեց 2-րդ հորիզոնականը

Մալթայում ընթացող կանանց Եվրոպայի մինչև 18 տարեկանների C դիվիզիոնի առաջնությունում Հայաստանի ընտրանին 3-րդ անընդմեջ հաղթանակը տոնեց:  Այս մասին տեղեկացնում է Հայաստանի բասկետբոլի ֆեդերացիայի մամուլի ծառայությունը

Այս անգամ Վահագն Հարությունյանի սաները 68:52 հաշվով առավելության հասան Կոսովոյի նկատմամբ: Հայաստանի ընտրանին ավարտեց ելույթները C դիվիզիոնում` 4 հանդիպումներում տոնելով 3 հաղթանակ: 

Հայաստանի հավաքականն ապահովեց 2-րդ հորիզոնականն առաջնությունում: Առաջնության վերջին խաղում առաջատար Կիպրոսը մրցելու է Ջիբրալթարի հետ: