«Ալաշկերտ»-ը ժամանել է Մինսկ

Այսօր լուսադեմին Հայաստանի չեմպիոն «Ալաշկերտի» պատվիրակությունը ակումբի նախագահ Բագրատ Նավոյանի գլխավորությամբ ժամանեց Մինսկ և հանգրվանեց շքեղ Minsk Marriott Hotel 5-աստղանի հյուրանոցում: Այս մասին տեղեկացնում է ակումբի կայքը:

Երեկոյան մեր թիմն իր առաջին մարզումը կանցկացնի Բելառուսի մայրաքաղաքում, որի ֆոտոռեպորտաժն ու ամենահետաքրքիր իրադարձությունները կլինեն կայքում և ֆեյսբուքյան էջում:

Հուլիսի 11-ին «Ալաշկերտը» նախախաղային մարզում կանցկացնի «Բորիսով Արենայում»:

Չեմպիոնների լիգայի որակավորման երկրորդ փուլի ԲԱՏԷ – «Ալաշկերտ» հանդիպումը կկայանա հուլիսի 12-ին, «Բորիսով Արենա» մարզադաշտում և կմեկնարկի Երևանի ժամանակով 21:30-ին: