Թրամփի նախկին կինը վիճել է Մելանյայի հետ առաջին տիկնոջ տիտղոսի համար
ԱՄՆ
ԱՄՆ նախագահ Դոնալդ Թրամփի նախկին կինը՝ ազգությամբ չեխ Իվանա Թրամփը, ABC-ի հետ հարցազրրույցի ժամանակ կատակով իրեն անվանել է ԱՄՆ առաջին տիկին, ինչն առաջացրել է Սպիտակ տան ղեկավարի ներկայիս կնոջ՝ Մելանյայի դժգոհությունը։
68-ամյա Իվանան համապատասխան հայտարարությունն արել է հարցազրույցի ժամանակ, որը նվիրված է եղել իր հուշագրերի լույս ընծայմանը։ Նրա խոսքով՝ ինքը Սպիտակ տան ուղիղ հեռախոսահամարն ունի, որից օգտվում է երկու շաբաթը մեկ անգամ։
«Ես առանձնապես չեմ ձգտում զանգահարել այնտեղ, քանի որ այնտեղ է գտնվում Մելանյան։ Չեմ ցանկանում խանդ կամ որևէ նման բան առաջ բերել, որովհետև ես եղել եմ Թրամփի առաջին կինը։ Ես հանդիսանում եմ առաջին տիկին»,-ասել է Իվանան։
Այդ հայտարարությունը քննադատություն է առաջացրել Մելանյայի ներկայացուցչի կողմից, ով նշել է, որ ԱՄՆ նախագահի ներկայիս կինն է Սպիտակ տունը տուն դարձրել Թրամփի որդու՝ Բերոնի համար, և պատիվ է համարում ԱՄՆ առաջին տիկին լինելը։
«Նա ծրագրում է կիրառել իր կարգավիճակը՝ օգնելու երեխաներին, այլ ոչ թե գրքեր վաճառելու։ Նախկին կնոջ հայտարարությունում ակնհայտ որևէ իմաստ չկա, ցավոք, դա ինքնանպատակ աղմուկ է, որը կոչված է սեփական անձի վրա ուշադրություն հրավիրելուն»,-ասել է Մելանյայի ներկայացուցիչը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
