Հայաստանը սիրեկանի հետ ոչ մի տեղ չի փախչի. հերթական հակահայկական հաղորդումը՝ ռուսական եթերում (տեսանյութ)

Ռուսական НТВ հեռուսատալիքով հեռարձակվող «Հանդիպման վայրը» հաղորդումը նոյեմբերի 28-ին նվիրված է եղել Հայաստանի և Եվրամիության միջև Համապարփակ և ընդլայնված գործընկերության համաձայնագրի ստորագրմանը:

Հաղորդման մեկնարկից անմիջապես հետո հաղորդավարները հիշեցին ԵՄ-ն ձգտող Ուկրաինայի միջադեպը, նշելով, սակայն, որ Հայաստանի ստորագրած ասոցացման համաձայնագիրն ունի այլ բովանդակություն:

Հաղորդավարներին իրենց առաջին իսկ հացադրումներով արդեն հեռուսատադիտողին փոխանցեցին իրենց բացասական վերաբերմունքը ստորագրված համաձայնագրին:

Հայազգի փորձագետ Գևորգ Միրզայանին հաղորդավարուհին հարց է ուղղում՝ ինչո՞ւ ընտրվեց Հայաստան-Եվրոպա համագործակցության ձևաչափը, որին ի պատասխան՝ հայազգի փորձագետը նշում է. «Հայաստանը տնտեսության, անվտանգության ոլորտում ամբողջությամբ կախված է Ռուսաստանից և այդպիսի կախվածությունը լարվածություն է առաջացնում»:

Այս պատասխանին հաջորդում է հաղորդավարի հաջորդ հարցը.

-Եվրոպայի ինչի՞ն է պետք Հայաստանը: Հարցին ի պատասխան՝ հայազգի փորձագետը պատասխանում է. 

«Եվրոպան ցանկանում է ամբողջ հետխորհրդային տարածքը քաշել Ռուսաստանից»:

Նշենք, որ հաղոդրման բանախոսները ՀՀ-ԵՄ համաձայնագրի ստորագրման համար բերում էին տարբեր պատճառաբանություններ, ըստ որի, ՀՀ-ն դժգոհ է Ռուսաստանից ստացող գումարներով: Իսկ ողջ հաղորդման ընթացքում կարմիր թելով անցնում է ուկրաինական մայդանի օրինակը:  

Առավել մանրամասն՝ տեսանյութում.