Գալիք տարվա գարնանն առողջապահական համակարգում կներդրվեն 300-ից ավելի կլինիկական ուղեցույցները, գործելակարգեր և ընթացակարգեր

 Գալիք տարվա գարնանն առողջապահական համակարգում կներդրվեն 300-ից ավելի կլինիկական ուղեցույցները, գործելակարգեր և ընթացակարգեր:

Այս մասին ԼՈՒՐԵՐ.com-ին տեղեկացրին ՀՀ առողջապահության նախարարությունից՝ հավելելով. «2017 թվականի համար սահմանված 300 կլինիկական ուղեցույցները,  պացիենտի վարման գործելակարգերն ու  ընթացակարգերն արդեն մշակված են։

Ամենաբարձր ցուցանիշն արձանագրվել է անզգայացում և ինտենսիվ թերապիա մասնագիտության գծով (գլխավոր մասնագետ` Անատոլի Գնունի)։ Նախատեսված 18-ի փոխարեն մշակվել է 35 փաստաթուղթ։

Հանձնաժողովի ղեկավար Հարություն Մանգոյանի գնահատմամբ արդյունավետ են աշխատել նաև արյունաբանության, մանկաբարձության և գինեկոլոգիայի, անհետաձգելի բուժօգնության, մանկական ուռուցքաբանության, մեծահասակների և մանկական գաստրոէնտերոլոգիայի, հեպատոլոգիայի, վիրաբուժության, դատական բժշկության մասնագիտական խմբերը, ճառագայթաբանական ախտորոշման ասոցիացիան։

Կան նաև խմբեր` մանկական վերականգնողաբանություն, մանկական սրտաբանություն, մանկական օրթոպեդիա-տրավմատոլոգիա, ռեաբիլիտացիա, առողջարանային բուժում, որոնք տարվա ընթացքում ավարտուն որևէ փաստաթուղթ չեն ստեղծել։

Հանձնաժողովի աշխատանքներում սպասված ակտիվությունը չեն ցուցաբերել երիտասարդ մասնագետները։

Մշակված փաստաթղթերը հաջորդիվ պետք է քննարկվեն մասնագիտական ասոցիացիաներում։ Նրանց ակտիվությունն ու արդյունավետ աշխատանքը կարող են նպաստել, որպեսզի 152 կլինիկական ուղեցույցը, 122 գործելակարգը և 34 ընթացակարգը 2018թ. գարնանը ներդրվեն համակարգում։    

Նշենք, որ ՀՀ արդարադատության նախարարության կողմից արդեն իսկ հաստատվել է 2 փաստաթուղթ, 6-ը քննարկման փուլում է»: