Հնդկաստանը «խեղդվում» է աղբի «ծովում» (տեսանյութ, լուսանկարներ)
ՏեսանյութերDaily Mail-ը տեղեկացնում է, որ քաղաքների աղտոտվածությունն ու առհասարակ աղբահանության խնդիրը շատ լուրջ է ամբողջ աշխարհի և հատկապես Հնդկաստանի համար։ Մանրամասնում է նաև, որ Նյու Դելիի խոշոր արվարձաններից մեկը՝ Թաիմուր Նագարը, ասվածի վառ ապացույցն է:
Նշում է նաև, որ արվարձանն ուղղակի «խեղդվում» է պլաստիկի ու աղբի «ծովում»: Պլաստմասսայե շշերը, պոլիէթիլենային տոպրակներն ու ահռելի քանակությամբ նմանատիպ աղբը լցված է Թաիմուր Նագարի տարբեր հատվածներում՝ ստիպելով բնակիչներին քայլել դրա միջով, երեխաներին՝ խաղալ աղբի հետ:
«Ինքներդ եք տեսնում, թե այստեղ ինչ վիճակ է: Քաղաքն ուղղակի թաղված է պլաստիկի մեջ: Սա նման է պլաստիկե դժոխքում ապրելուն: Աղբն ամենուր է, իսկ մենք աղքատ ենք ու այլընտրանք չունենք՝ դատապարտված ենք այստեղ ապրելուն ու մեռնելուն»,-նշել է բնակիչներից մեկը և հավելել, որ Թաիմուր Նագարը մեկն է Հնդկաստանի անթիվ-անհամար քաղաքներից, որտեղ պլաստիկի աղտոտվածության լուրջ խնդիր կա:
Հնդկաստանում արտադրվում է 5.6 մլն տոննա պլաստիկ աղբ: Թեև երկրի որոշ հատվածներում արգելվել է պոլիէթիլենային տոպրակների կիրառումը, այնուհանդերձ՝ օրենքին հետևողները շատ քիչ են:
Հիշեցնենք նաև, որ աշխարհի 15 ամենաաղտոտված քաղաքներից 14-ը գտնվում է Հնդկաստանում:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
