ՈւՂԻՂ. Պետնախարար Արայիկ Հարությունյանի մամուլի ասուլիսը՝ իր հրաժարականի մասին

«Շարունակելու եմ ղեկավարել կուսակցությունը, որի հիմնադիրներից մեկն եմ եղել: Շարունակելու եմ ծառայել մեր երկրին»,- այս մասին այսօր հրաժարականից հետո հրավիրված մամուլի ասուլիսի ժամանակ հայատարարեց ԱՀ պետական նախարար Արայիկ Հարությունյանը: 

Դիտարկմանը՝ հակասական է ստացվում՝ եթե բարեփոխումները հաջողված է համարում, ապա ինչո՞ւ է հրաժարական ներկայացրել, պետնախարարը նշեց. «Տնտեսական առումով՝ ես համարում եմ, որ՝ այո՛, իսկ ժողովրդական արժեքների ամրապնդման, քաղաքացիական հասարակարգի ձևավորման առումով՝ ունեցել ենք առաջընթաց, բայց այսօր հանրության պահանջն ավելի մեծ է: Ինձ թվում է՝ անհրաժեշտ է հաճախակի իրականացնել կադրային փոփոխություններ: Սկսենք մեզանից»,- ասաց նա:

Հարցին՝ երեկ ոչինչ չէր նախանշում Պետնախարարի հրաժարականը, պատասխաններից էլ կարելի է ենթադրել, որ խուսափում է պատասխանատվությունից, հնարավո՞ր է ժամանակի ընթացքում ընդդիմութուն ձևավորի, եթե պետության կուրսը չընթանա իր պատկերացրած ձևով, Հարությունյանը պատասխանեց.

«Ես չեմ խուսափում պատասխանատվությունից: Քաղաքական ամենախոշոր ուժը չի կարող խուսափել պատասխանատվությունից: Շարունակելու եմ ղեկավարել կուսակցությունը («Ազատ Հայրենիք»,-խմբ.) և մասնակցել Նախագահի կողմից կատարվող բարեփոխումներին: Ընդդիմություն դառնալ հնարավոր է, եթե ճանապարհից շեղվեն, բայց այսօր ես համոզված չեմ, որ այդպիքի բան կա: Ինձ համար հայրենիքն առաջնահերթն է և առաջին պատմավեպը որն ընթերցել եմ՝ «Սամվել»-ն է, կարծում եմ՝ սրանով ամեն ինչ ասված է»,- ընդգծեց պետնախարարը: