Հեծանիվ քշող 4-ամյա աղջնակը ժեստով շնորհակալություն է հայտնել բեռնատարի վարորդին ու համացանցի աստղ դարձել (տեսանյութ)

Lenta.ru-ն գրում է, որ Շոտլանդիայի Ջեդբորո քաղաքի 4-ամյա բնակչուհի Ռոդա Ջոնսը համացանցի աստղ է դարձել, երբ նրա ծնողները հրապարակել են նրա մասնակցությամբ տեսանյութը: 

Twitter-ում հրապարակված տեսանյութում աղջնակը ժեստով շնորհակալություն է հայտնում բեռնատարի վարորդին՝ ցույց տալով մեծ մատը:

«Մենք այնքան հաճախ ենք կիսվում հեծանվորդների շուրջ կատարվող սարսափելի տեսանյութերով, որ Ջեդբորոյով անցնող բեռնատարի այս բացառիկ համբերատար ու զգույշ վարորդը, ինչպես նաև՝ Ռոդայի պատասխանն արժանի են կիսվելու: Նա (վարորդը) չկա Twitter-ում, սակայն մենք շնորհակալություն ենք հայտնել նրան անձամբ»,- տեսանյութը մեկնաբանել է ընտանիքը:

Նշենք նաև, որ Ջոնս ընտանիքը բլոգ է վարում հեծանվորդների մասին: Ռոդան ու իր ծնողները՝ Թոմը և Քեթին, հեծանվասպորտով են զբաղվում: