ԱՄՆ-ն հինգերորդ սերնդի կործանիչները Թուրքիային կհանձնի (տեսանյութ)

ԱՄՆ-ն Թուրքիային՝ 5-րդ սերնդի F-35 կործանիչները փոխանցելու նախապատրաստական աշխատանքներ են իրականացնում։ Աշխատանքները տեղի կունենան Ֆորթ Ուեսթում (Տեխաս նահանգ), հայտնել է Պենտագոնի ներկայացուցիչ Մայք Էնդրյուսը։։  Նրա խոսքով՝ թուրքական կողմին երկու կործանիչների հանձնման արարողությունից հետո դրանք Արիզոնայի Լյուք ավիաբազա կուղևորվեն, որտեղ արդեն ժամանել են թուրք օդաչուները։

Թուրքիայի ԱԳ նախարար Մևլյութ Չավուշօղլուն հիշեցրել է, որ ԱՄՆ սենատը փորձել է արգելափակել գործարքը, որը կարող է ամենախոշորներից մեկը դառնալ թուրք-ամերիկյան պաշտպանական ոլորտի համագործակցության շրջանակում։Հ

Հիշեցնենք, որ ամերիկյան օրենսդիրները դեմ էին դրան՝ Անկարայի՝ ռուսական C-400-ներ ձեռք բերելու ծրագրերի հետ կապված։ Վաշինգտոնում կարծում են, որ ռազմատեխնիկական ոլորտում ռուս-թուրքական համագործակցությունը հակասում է Թուրքիայի՝ ՆԱՏՕ-ի առջև ունեցած պարտավորվածություններին։ Հունիսի 24-ին Թուրքիայում կայանալիք նախագահական ընտրությունների ֆոնին F-35-ներ ստանալը գործող նախագահ Ռեջեփ Թայիփ Էրդողանի հաղթանակը կարող է համարվել։