Ռոբերտ Քոչարյանը կհարցաքննվի հուլիսի 25-ից հետո. նրա գրասենյակի ղեկավարն առաջարկում է տեսաձայնագրել ընթացքը
Տեսանյութեր«Մենք ծանուցում ենք ստացել Հատուկ քննչական ծառայությունից Մարտի 1-ի գործով որպես վկա հարցաքննության ներկայանալու կապակցությամբ»,-այս մասին հրավիրված մամուլի ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը:
«Հաշվի առնելով, որ հարցը գտնվում է մամուլի ուշադրության կենտրոնում, ես որոշեցի հրապարակել նամակը, որով պատասխանել ենք հարցաքննության գնալու հայցին: Ծանուցագրով հարցաքննության օր էր նշանակվել հուլիսի 6-ը, սակայն մենք տեղեկացրինք, որ Ռոբերտ Քոչարյանը կվերադառնա Հայաստան ոչ շուտ, քան 2018թ. հուլիսի 25-ը: Երևան վերադառնալուց հետո Ռոբերտ Քոչարյանը պատրաստ է պատասխանել ՀՔԾ քննիչի կողմից իրեն ուղղված հարցերին: Ռոբերտ Քոչարյանը հարցաքննությանը չմասնակցելու խնդիր չունի»,- ասաց նա` նշելով, որ իրենք առաջարկում են հարցաքննությունը սկզբից մինչև վերջ տեսաձայնագրել՝ այն անհրաժեշտության դեպքում հրապարակելու համար:
Հարցին՝ մտավախություն չունե՞ն, որ Ռոբերտ Քոչարյանին կարող են ներգրավել որպես կասկածյալ և մեղադրյալ, Սողոմոնյանն ասաց. «Ստացվում է, որ սահմանադրական կարգ է եղել, որի կրողը եղել է հաղթած ընդդիմությունը, որը չի հաստատվում ո՛չ ԿԸՀ որոշումներով, ո՛չ ՍԴ որոշումներով։ Պաշտպանության նախարարությունն էլ այդ կարգը, նոր սահմանադրական ինստիտուտ ստեղծելով, տապալել է։ Սա ծաղր է օրենքի նկատմամբ»,- ասաց նա՝ ընդգծելով, որ չի հավատում, որ այդ եզրակացությունը գրել է իրավաբանը։
Արտակարգ դրություն հայտարարելու մասին հանձնարարականն արվել է բանավո՞ր, գրավո՞ր, թե՞ պաշտպանության նախարարն ինքն է որոշում կայացրել, հարցին ի պատասխան Սողոմոնյանն ասաց. «Նախագահը մարտի 1-ի երեկոյան արտակարգ դրության ռեժիմ է մտցրել: Այն բացարձակ օրինական է, համապատասխանում է 2005 թ.-ի Սահմանադրության հոդվածներին ու օրենքներին»,- նշեց նա:
Նա հերքեց նաև Ռոբերտ Քոչարյանի՝ մեծ կարողություններ ունենալու լուրերը. «Ըստ մամուլի, իրեն են պատկանում բոլոր բանկերը՝ բացի HSBC-ից»,- հեգնեց նա։
Հիշեցնենք՝ Ռոբերտ Քոչարյանի պաշտոնավարման ընթացքում պաշտպանության նախարար Միքայել Հարությունյանը գործով որպես մեղադրյալ է անցնում։ Վերջինս մեղադրվում է սահմանադրական կարգը տապալելու մեջ։
Տեսանյութը՝ Yerevan.Today-ի:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
