Հայաստանը ոչ մի պարագայում Ստեփանակերտին մենակ չի թողնի
Հայաստան
«Արցախի հարցի կարգավորման համար պետք է լինի ոչ թե «Երևան-Բաքու», այլ «Երևան-Ստեփանակերտ-Բաքու» բանակցային գործընթաց»,- ԼՈւՐԵՐ.com-ի հետ զրույցում ասաց «Իմ քայլը» խմբակցության պատգամավոր Հրաչյա Հակոբյանը՝ հավելելով, որ ճիշտ է համարում Հայաստանի Հանրապետության դիրքորոշումն այդ առումով:
«Հայաստանը ոչ մի պարագայում Ստեփանակերտին մենակ չի թողնի Բաքվի հետ բանակցություններում, բայց նաև Հայաստանը չի պատրաստվում առանց Արցախի բանակցել Ադրբեջանի հետ»,-ասաց Հրաչյա Հակոբյանը:
Հարցին, թե Ադրբեջանում կատարվող լայնամասշտաբ զորավարժություններին զուգահեռ, հնարավո՞ր է Ադրբեջանին բերել բանակցային գործընթացի, պատգամավորը պատասխանեց.
«Անհնարին ոչինչ չկա, ճիշտ դիվանագիտության և ճիշտ մոտեցման շնորհիվ անհնարինը հնարավոր կդառնա: Անվիճելի փաստ է, որ մենք ժողովրդավար երկիր ենք, հետևաբար, կարող ենք ոչ ուժային ճանապարհով, բայց ստիպել հակառակորդին մեզ հետ նստել բանակցային սեղանի շուրջ»,-ընդգծեց Հրաչյա Հակոբյանը:
Եզրափակելով իր խոսքը, պատգամավորն ասաց, որ Ստեփանակերտում տեղի ունեցած Հայաստանի և Արցախի Անվտանգության խորհուրդների համատեղ նիստը Ադրբեջանում ինչպես էլ գնահատեն, միևնույնն է, նրանք պիտի հարմարվեն այն փաստի հետ, որ իրենց համար նոր իրավիճակ է ստեղծվել:
Սիլվի Տիգրանյան
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
