Ռովշան Ասկերովին երբեք չի արգելվել գալ Հայաստան. Տիգրան Քոչարյան
«Ի՞նչ, որտե՞ղ, ե՞րբ» խաղի՝ ազգությամբ ադրբեջանցի մասնակից Ռովշան Ասկերովին երբևէ չի արգելվել մուտք գործել Հայաստան խաղի առաջնությունների շրջանակներում: Այս մասին հայտնեց «Գիտակների հայկական ասոցիացիա»-ի նախագահ Տիգրան Քոչարյանը՝ անդրադառնալով գիտակի արած հայտարարությանը, թե նրա մուտքը Հայաստան արգելվում է:
«Երբևէ Ռովշան Ասկերովին չի արգելվել մուտք գործել Հայաստան «Ի՞նչ, որտե՞ղ, ե՞րբ» խաղի շրջանակում: Վերջին երեք տարվա մեջ մենք 3 անգամ Հայաստանում աշխարհի առաջնություն ենք անցկացրել, և մասնակցել են գետակներ 20-ից ավելի երկրներից: Մենք խնդիր չենք տեսնում նաև Ադրբեջանի մասնակցության առումով: Երբեք չեն եղել ինչ-որ տեքստեր, որ ադրբեջանցիները չպետք է գան մեր երկիր, այլ խնդիր է, որ այն ադրբեջանցիները, ովքեր գալիս են Հայաստան, այնուհետև խնդիր են ունենում իրենց երկրի իրավապահ մարմինների հետ»,- ասաց Քոչարյանը:
Ասկերովն իր հայտարարության մեջ ասել էր նաև, որ ինքը Ռուսաստանի Դաշնության քաղաքացի է, ինչը զարմանալի էր «Գիտակների հայկական ասոցիացիա»-ի նախագահի համար:
«Ինձ համար զարմանալի էր իմանալ, որ Ասկերովը Ռուսաստանի քաղաքացի է: Բավականին երկար ժամանակ ինքն իրեն ներկայացնում էր որպես Ադրբեջանի քաղաքացի և միշտ հանդես էր գալիս ադրբեջանական շահերի պաշտպանի դերում»,- նկատեց Քոչարյանը:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
