Արագած համայնքի բնակիչները բացել են ճանապարհը. հէկերի աշխատանքը դադարեցվել է

Արագածոտնի մարզ Արագած համայնքի բնակիչները քիչ առաջ բացել են Երևան–Վանաձոր մայրուղին, որը փակել էին այսօր առավոտից՝ պահանջելով դադարեցնել Գեղարոտ գետի վրա գործող 2 հէկերի աշխատանքը։

NEWS.am–ի հետ զրույցում Արագած վարչական համայնքի ղեկավար Հենրիկ Հովհաննիսյանն ասաց, որ հէկերի աշխատանքը կրկին դադարեցվել է։

Հենրիկ Հովհաննիսյանը նաև փոխանցեց հէկերի պատասխանատուների կարծիքը, ըստ որի ջրի որակը նորմալ է։

Նշենք, որ համայնքի բնակիչները դժգոհ են ոռոգմնան ջրի որակից. Նախկինում այն ստանում էին գետից, և այն մաքուր էր, հէկերի կառուցումից հետո ջուրը ստանում են խողովակներով, ինչը վատացրել է ջրի որակը. ջուրը չի ֆիլտրացվում։