Արայիկ Հարությունյանը՝ Ավշարի դպրոցում լարված իրավիճակի մասին
Հասարակություն
«Ավշարի դպրոցը մարզպետարանի ենթակայության դպրոց է և այնտեղ որոշ պրոցեսներ են տեղի ունեցել, որոնք ցավոք սրտի, մինչև հիմա չեն կարգավորվում: Աշակերտների իրավունքները պետք է վերականգնվեն, բայց նրանց կողմից ներկայացվող վերջնագրերը՝ չգնալ դասի մինչև տնօրենը չհեռանա, ես կարծում եմ, որ ճիշտ չէ»,- Ազգային ժողովում լրագրողների հետ զրույցում ասաց Կրթության և գիտության նախարար Արայիկ Հարությունյանը՝ անդրադառնալով Արարատի մարզի Ավշար գյուղի դպրոցում տիրող լարված իրավիճակին:
ԼՈւՐԵՐ.com-ի հարցին, թե Կրթության և գիտության նախարարությունը որևէ միջոց չի ձեռնարկել իրավիճակի կայունացման համար, նախարարը նշեց, որ իրենք միանշանակ հետևողական են և արդեն մի քանի օր է` նախարարությունից աշխատակիցներ են գնում Ավշարի դպրոց:
«Աշակերտների իրավունքները, իհարկե, պետք է վերականգնվեն, սակայն, ծնողները ևս պետք է օգնեն մեզ: Դա չպետք է արվի աշակերտների կրթական իրավունքները խախտելով»,-եզրափակեց ԿԳ նախարարը:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
